இங்கிலாந்து மற்றும் மும்பை இந்தியன்ஸ் அணியின் வேகப்பந்து வீச்சாளர் ஜோஃப்ரா ஆர்ச்சர் முழங்கை பகுதியில் சிறிய அளவிலான அறுவை சிகிச்சைக்காக பெல்ஜியம் சென்றுள்ளதாக தகவல் வெளியாகி உள்ளது. அதே போல மற்றொரு இங்கிலாந்து கிரிக்கெட் வீரரான ஜானி பேர்ஸ்டோ காயத்தில் இருந்து மீண்டு வந்து 88 பந்துகளில் 97 ரன்கள் குவித்துள்ளார்.

நடப்பு ஐபிஎல் சீசனில் ஆர்ச்சர் மும்பை இந்தியன்ஸ் அணிக்காக 2 போட்டிகளில் விளையாடி 1 விக்கெட் மட்டுமே வீழ்த்தி உள்ளார். இந்தச் சூழலில் அவர் வலது முழங்கை பகுதியில் சிறிய அளவிலான அறுவை சிகிச்சை எடுத்துக் கொள்ளும் வகையில் பெல்ஜியம் பயணித்துள்ளதாக தெரிகிறது. அவர் ராஜஸ்தான் அணிக்கு எதிராக வரும் 30-ம் தேதி நடைபெறும் போட்டியில் களத்திற்கு திரும்புவார் எனவும் தகவல்.



from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்